MISHON
Ofresé e adulto i hóben adulto i tambe e futuro generashon un oportunidat pa desaroyá, di manera ku nan por funshoná optimal riba e merkado laboral i den e sosiedat, teniendo kuenta konstantemente i antisipando riba eksigensianan ku e sosiedat ta pone.
Ademas, informando i konsehando e organisashon i instansianan den gobièrnu tokante e situashon di e grupo di enfoke.
FORMA kier ta sigur ku kada partisipante tin un perspektiva personal despues di a kompletá un programa di formashon i edukashon den kual e:
tin sufisiente abilidatnan sosial i komunikativo.
tin un aktitut laboral positivo.
ta outosufisiente i por pensa den resolvementu di problema.
ta kompetente.
FORMA ta asumí ku kada individuo por kombertí den un individuo independiente den nos komunidat mediante aktividatnan di kapasitashon, edukashon i orientashon. E organisashon ta tuma e individuo komo su punto di salida i ta krea e kondishonnan previo pa nan tur por asistí na e edukashon i asina kompletá un formashon, kurso òf proseso di trayekto laboral. E kreamentu di oportunidatnan di desaroyo tambe tin un efekto den nos futuro generashon, si e partisipante tin un bida stabil, tambe e por krea un ambiente stabil pa su yunan den kual nan por krese ku seguridat i partisipá den sosiedat.
Tambe FORMA kier aktua komo un organismo asesor ora ku ta trata di temanan relashoná ku e grupo di enfoke di FORMA. FORMA ta traha ku e grupo di enfoke diariamente i ta konosé e grupo manera ningun otro. E informashon i e konosementu atkerí tokante e grupo di enfoke ta un fuente for di kual otro organisashonnan por saka algu afó.
FORMA tin un posishon privilegiá den e islanan BES, ya ku FORMA tin mayoria eksperensia i konosementu den e kampo di edukashon di adulto. FORMA lo posishoná su mes pa yuda e otro organisashonnan den e islanan BES i den region ku e desaroyo di ofertanan pa e grupo akí.
FORMA ta un sentro di formashon pa edukashon di adulto i enseñansa ku e meta pa ofresé adultonan un chèns pa ku edukashon, formashon, i òf enseñansa, di manera ku nan okupá un lugá prominente den merkado laboral.
VISHON
FORMA kier alkansá e metanan establesé segurando su mes di:
Presentá e kondishonnan básiko; pago, krèsh pa muchanan, transporte, lo ta permití un persona partisipá na edukashon òf formashon.
- Ofresé programanan di formashon básiko na midí, pa asina e partisipantenan por dominá e abilidatnan básiko pa por partisipá den edukashon.
Ofresé formashon i trayekto di traha i studia pareu, pa asina e partisipante ta bon prepará pa e merkado laboral.
Establesé asosiashonnan ku sosionan sosial i komersial pa kre oportunidatnan pa asina e partisipantenan por desaroyá mas.
Ofresé formashon, kursonan i programanan edukativo konstantemente, adaptando nan na e demanda di e komunidat empresarial na Boneiru.
E instituto di formashon ta ofresé servisionan na otro organisashonnan den region. Ta asesorá tokante temanan di kontenido, e evaluashon i implementashon di métodonan i ta kompartí eksperensia den e kampo di e grupo di enfoke ku e outoridatnan de e region.
E instituto di formashon tin un funshon di asesoramentu na e komunidat pa ku e grupo di enfoke. E ta asesorá agensianan gubernamental, di finansa, di polítika i legislativo tokante temanan relashoná ku e grupo di enfoke.
.