FORMA ta ofresé edukashon na adulto ku di un manera òf otro, no a haña e oportunidat di risibí edukashon i / òf a haña nan mes den situashonnan di bida ku ta difikultá e kulminashon di nan edukashon. Ademas, FORMA ta ofresé kursonan pa adulto ku ya ta aktivo den e merkado laboral i ku kier desaroyá mas.

Forma ta konsentrá riba 4 diferente grupo di enfoke:

E polítika di kuido

Ora di registrá pa sigui un trayektoria na Forma, konhuntamente i ku koutela ta diskutí kua grupo ta pas mihó na e nesesidatnan di e persona. Si e kliente kier sigui un estudio, MBO òf SKJ, e ora ei ta hasi un proseso di atmishon di akuerdo ku un palabrashon. Aki nos ta analisá pa medio di un entrevista huntu ku e kordinadó di kuido i trahadó sosial riba kon nos lo por sostené e kliente mihó ku ta posibel. Si e kliente ta deseá un kurso kòrtiku òf un trayekto di alfabetisashon, e ora ei lo hasi un proseso di atmishon den e departamento korespondiente.

Un prueba di ingreso tambe ta forma parti di e proseso di atmishon. Pa medio di e prueba akí, ta determiná e nivel di desaroyo di kada alumno den e ámbito di lektura, eskritura, aritmétika i ekspreshon oral na Papiamentu. E resultado huntu ta establesé kua ta e faktornan ku ta importante pa optimalisá e éksito di e partisipantenan.

Ta asigná un trahadó di formashon edukativo pa garantisá e éksito di e partisipante. Ora ku ta nesesario, kada partisipante ta risibí guia personal pa huntu ku e partisipante i di un manera práktiko eliminá e faktornan ku ta forma un barera. E ayudo aki ta konsistí di entre otro guia sikológiko i sosial, asistensia práktiko, apoyo ku krèsh i transporte. Pa e partisipantenan ku ta diagnostiká ku problemanan grave, lo referí nan na ayudo spesialisá den forma di un trahadó sosial (Forma interno) òf un sikólogo (eksterno), kuido pa ku adikshon, sikiatra òf otro spesialistanan. E partisipantenan tambe por usa e servisionan di Expertize Center Onderwijs Zorg (EOZ), un asosashon insular destiná pa brinda apoyo pa problemanan di siñamentu òf nesesidatnan spesífiko di siñamentu.

Diseño di enseñansa.

E sentro di formashon Forma ta ofresé formashon tantu na tempu kompletu komo na tempu parsial den e siguiente arianan:

Ta realisá e diseño di e programanan i e programanan binidero den konsulta estrecho ku Scholen gemeenschap Bonaire i e merkado laboral di Boneiru, di manera ku e progreso ta posibel. Debí na kambio di e struktura polítiko, Forma tambe ta den konsulta estrecho ku Entidat Públiko di Boneiru (OLB) i e Ministerionan di Enseñansa, Kultura i Siensia (OCW) i asuntunan Sosial i Empleo (SZW) i hubentut i Famia (J&G).