Project Description
Komo resultado di e introdukshon di “Focus op Vakmanschap” pa medio di ministerio di Enseñansa, Kultura i Siensia na Forma nos a bin ta ofresé “ENTREE OPLEIDINGEN”. Esakinan ta pa partisipantenan sin un diploma di edukashon previo. E propósito di e formashonnan akí ta pa prepará e partisipantenan pa e merkado laboral i òf transferí nan na un formashon MBO nivel 2. Ademas e formashonnan akí ta ofresé un mihó perspektiva den e merkado laboral na e partisipantenan ku ta siguiendo un formashon BBL.
Asistente di servisio i kuido (BOL /BBL)
Bo ta laborá den e sektor di kuido i bienestar, serka klupnan deportivo òf na lugánan di rekreashon. Bo ta siña atendé ku kliente, medionan sosial i tambe tokante nutrishon i higiena.
Asistente di benta i komersio (BOL/BBL)
Bo ta siña téknikanan di benta pa asina bo por realisá trabounan den e área akí. Bo ta siña tokante e estado di e kosnan den un tienda, kon bo mester atendé ku kliente i koleganan. Tambe bo ta siña manehá un tienda i tambe mangasina.
Asistente di horeca, alimentashon i industria alimentisio (BOL /BBL)
Bo ta traha ku pan òf bufèt na un hotèl òf prosesá alimentonan. Siña kushiná, siña téknikanan di kòrta, manehá i prepará produktonan.
Asistente konstrukshon, bibienda i mantenshon (BBL)
Bo ta traha den konstrukshon, infrastruktura, traha muebelnan, traha ku palu i fèrf. Durante e formashon akí bo ta siña zag, perforá, pinta, pero tambe bo ta siña usa diferente hèrmènt.
Asistente di plantashon i preservashon di naturalesa (BBL)
Bo ta traha den sektor di agrikultura, planta i mantenshon di kurá. Durante e formashon akí, ta trata temanan manera matanan, transporte, hèrmèntnan i nan funshon.
BOL ta nifiká ku e studiante ta pasa gran parti di su formashon na skol.
BBL ta nifiká ku e studiante ta kombiná su trabou ku estudio. E studiante mester bini skol 1 bia pa siman.